കാ​യം​കു​ളം താ​ലൂ​ക്ക് ആ​ശു​പ​ത്രി​യി​ൽ ഫോ​റ​ൻ​സി​ക് സ​ർ​ജ​നെ നി​യ​മി​ക്ക​ണം

കാ​യം​കു​ളം: താ​ലൂ​ക്ക് ആ​ശു​പ​ത്രി​യി​ൽ ഫോ​റ​ൻ​സി​ക് പോ​ലീ​സ് സ​ർ​ജ​നെ നി​യ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. എ​ച്ച് എംസി യോ​ഗ​ങ്ങ​ളി​ൽ നി​ര​വ​ധി ത​വ​ണ വി​ഷ​യം ഉ​ന്ന​യി​ക്ക​പ്പെ​ട്ടെ​ങ്കി​ലും പ​രി​ഗ​ണി​ക്ക​പ്പെ​ട്ടി​ട്ടി​ല്ല.

കു​ഴ​ഞ്ഞുവീ​ണ് മ​രി​ക്കു​ന്ന​വ​രെ​യും അ​പ​ക​ടമ​ര​ണ​ത്തി​ൽപ്പെ​ടു​ന്ന​വ​രെ​യും കാ​യം​കു​ളം താ​ലൂ​ക്കാ​ശു​പ​ത്രി​യി​ൽ എ​ത്തി​ക്കു​മ്പോ​ൾ പോ​ലീ​സ് സ​ർ​ജ​ൻ ഇ​ല്ലാ​ത്ത​തി​നാ​ൽ ആ​ല​പ്പു​ഴ മെ​ഡി​ക്ക​ൽ കോ​ള​ജി​ലേ​ക്ക് അ​യ​യ്ക്കു​ക​യാ​ണ് പ​തി​വ്. ഇ​ത് മ​ര​ണ​പ്പെ​ടു​ന്ന​വ​രു​ടെ ബ​ന്ധു​ക്ക​ളെ ഉ​ൾപ്പെടെ ദു​രി​ത​ത്തി​ലാ​ക്കു​ക​യാ​ണ്.

ക​ഴി​ഞ്ഞ കു​റ​ച്ചുനാ​ളു​ക​ളാ​യി ഹൃ​ദ​യസ്തം​ഭ​നം മൂ​ലം കു​ഴ​ഞ്ഞുവീ​ണു മ​രി​ക്കു​ന്ന​വ​രു​ടെ എ​ണ്ണം കാ​യം​കു​ളം മേ​ഖ​ല​യി​ൽ കൂ​ടി​വ​രി​ക​യാ​ണ്. ആ​ശു​പ​ത്രി​യി​ലേ​ക്കു​ള്ള യാ​ത്രാ​മ​ധ്യേ രോ​ഗി മ​ര​ണ​പ്പെ​ട്ടാ​ൽ മ​ര​ണം സ്ഥി​രീ​ക​രി​ക്കാ​ൻ ആ​ശു​പ​ത്രി​യി​ൽ കൊ​ണ്ടുപോ​കു​ക പ​തി​വാ​ണ്. ഇ​ത്ത​ര​ത്തി​ൽ താ​ലൂ​ക്ക് ആ​ശു​പ​ത്രി​യി​ൽ എ​ത്തി​ക്കു​ന്ന മൃ​ത​ദേ​ഹ​ങ്ങ​ൾ ബ​ന്ധു​ക്ക​ൾ​ക്ക് വി​ട്ടു​കൊ​ടു​ക്കാ​ൻ പ​രി​ശോ​ധി​ക്കു​ന്ന ഡോ​ക്ട​ർ വി​സ​മ്മ​തി​ക്കു​ക​യും പോ​ലീ​സി​നെ അ​റി​യി​ക്കു​ക​യും ചെ​യ്യും.

പോ​ലീ​സ് ഇ​ൻ​ക്വ​സ്റ്റ് ന​ട​ത്തി പോ​സ്റ്റ്മോ​ർ​ട്ട​ത്തി​ന് വി​ധേ​യ​മാ​ക്കി​യ​ശേ​ഷം മാ​ത്ര​മേ മൃ​ത​ദേ​ഹം വി​ട്ടു​കൊ​ടു​ക്കാ​വൂ എ​ന്നാ​ണ് നി​യ​മം. മ​ര​ണ​ത്തി​ൽ അ​സ്വാ​ഭാ​വി​ക​ത ഉ​ണ്ടോ എ​ന്ന് പ​രി​ശോ​ധി​ക്കാ​ൻ പോ​ലീ​സ് സ​ർ​ജ​ൻ പോ​സ്റ്റ്മോ​ർ​ട്ടം ചെ​യ്‌​ത്‌ എ​ന്താ​ണ് മ​ര​ണ​കാ​ര​ണ​മെ​ന്ന് സാ​ക്ഷ്യ​പ്പെ​ടു​ത്ത​ണ​മെ​ന്നു​മാ​ണ് നി​യ​മം.

എ​ന്നാ​ൽ, കാ​യം​കു​ളം താ​ലൂ​ക്ക് ആ​ശു​പ​ത്രി​യി​ൽ പോ​ലീ​സ് സ​ർ​ജ​ൻ ഇ​ല്ലാ​ത്ത​തി​നാ​ൽ ഇ​ത്ത​രം ഘ​ട്ട​ങ്ങ​ളി​ൽ മൃ​ത​ദേ​ഹം ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ കൊ​ണ്ടു​പോ​കേ​ണ്ട സ്ഥി​തി​യാ​ണു​ള്ള​ത്. കാ​യം​കു​ളം ന​ഗ​ര​സ​ഭ പ്ര​ദേ​ശ​ത്തെ​യും സ​മീ​പ​ത്തെ ഏ​ഴു പ​ഞ്ചാ​യ​ത്തു​ക​ളി​ലെ​യും ആ​യി​ര​ക്ക​ണ​ക്കി​ന് ആ​ളു​ക​ളു​ടെ ആ​ശ്ര​യ​മാ​യ താ​ലൂ​ക്ക് ആ​ശു​പ​ത്രി​യി​ൽ ഉ​ട​ൻ ഫോ​റ​ൻ​സി​ക് സ​ർ​ജ​നെ നി​യ​മി​ക്ക​ണ​മെ​ന്നു​മാ​ണ് നാ​ട്ടു​കാ​രു​ടെ ആ​വ​ശ്യം.